Черчение ХХХХХ-с олимпиадата түмүктэннэ

Бу бааллар кыайыылаахтар ааттара: Сэттис кылаастарга:

• Слепцова Уйгуура (В.С. Чириков аатынан Адыаччы оскуолата, Верхоянскай оройуона) чемпионнаата;
• Ховров Максим (Дьокуускай куораттааҕы национальнай гимназия), Лукин Вася (Аллараа Бэстээх, Мэҥэ-Хаҥалас) – иккис;
• Саввин Семен (Чөркөөх, Таатта), Стручкова Диана (Мүрү 2 № оскуолата), Данилова Лия (Нерюнгри 24 № техническай лицейа) – үһүс буоллулар;
• Өссө 3 оҕо төрдүс бириистээх миэстэҕэ тигистилэр.

Ахсыс кылаастарга:

• Максимов Евгений (Тааттатааҕы лицей) бастаата;
• Филиппов Айсен (Амма Алтана), Григорьева Сардаана (Ньурба, ТЛ) – иккис;
• Куличкин Николай (Одьулуун, Чурапчы), Толонов Герман (ДьКНГ), Охлопков Айсен (Майа лицейэ) үһүс буоллулар;
• Бириистээх төрдүс миэстэҕэ Сергучев Айаал (Намнааҕы 1 № оскуола), Шерстов Роман (Арыылаах, Мирнэй), Черемкин Максим (Дьокуускай, лицей) тигистилэр.

Тохсус кылаастарга:

• Ушницкая Акулина (Айыы кыһата, Дьокуускай, учуутала Н.Н. Никулина) – черчение Госолимпиадатын абсолютнай (үс төгүллээх!) чемпиона буолары ситистэ;
• Давыдов Алексей (академик Л.В. Киренскай аатынан техническай лицей, Амма), Колосов Афанасий (Хорообут, Мэҥэ-Хаҥалас) – иккис;
• Федотов Дьулустан (Үөһээ-Бүлүү, Боотулу, учуутала А.Т. Тихонов), Борисова Алина (Дьокуускай, политехническай лицей), Дарбашкеев Темир (Дьокуускай куорат лицейэ) үһүс буолары ситистилэр;
• Чагаан Уйгу (Чурапчы), Мальцева Мария (Нам, Хатыҥ Арыы), Турантаев Егор (Мүрү гимназията) төрдүс бириистээх миэстэҕэ тигистилэр.

Түмүктүүр туурга кэлбит бары үөрэнээччилэр уонна үөрэтээччилэр илии тутуурдаах, өттүк харалаах (мэтээллээх, грамоталаах, дипломнаах, сертификаттаах, махтал суруктаах, бириистээх – бириэмийэлээх) үөрэн-көтөн өрөгөйдөнөн, күүстэригэр күүс эбиллэн, санаалара тупсан, элбэҕи истибэтэхтэрин истэн – билэн тарҕастылар. Олимпиаданы тэрийээччилэргэ, ордук 50 сыл (үйэ аҥара) усталаах – туората бу Улахан Олимпиаданы утуйар уутун умнан туран, 82 сааһын ааһыар диэри, эдэр киһилии эрчимнээхтик, үрдүк таһаарыылаахтык үлүһүйэн туран сүүрбүт-көппүт, булбут-талбыт профессор Николай Спиридонович Николаевка, үөрэтээччилэр, төрөппуттэр, үөрэнээччилэр, нэһилиэнньэ киэҥ араҥата махталлара-баһыыбалара муҥура суох улахан. Черчение олимпиадата, предметэ чэчирээтин, үөрэх-билии туругурдун! Аныгыс көрсүөххэ диэри!

Вера Слепцова, Дьүүллүүр Сүбэ чилиэнэ, СӨ үөрэҕириитин туйгуна

]]>