С.Н.Донской-2 аатынан Үөрэҕи сайыннарар уонна идэни үрдэтэр үнүстүүт уонна Өймөкөөн улууһун Томтор Н.М. Заболоцкай аатынан оскуола алын кылааһын методическай холбоһугун тэрээһининэн ыытыллар өрөспүүбүлүкэтээҕи «Ийэ тыл илгэтинэн-2023» ыалынан уус-уран ааҕыы күрэҕэ быйыл Өймөкөөн сиригэр буолар Олоҥхо ыһыаҕын көрсө уонна Саха тылын, суругун — бичигин декадатын чэрчитинэн олоҥхону толорууга ыытылынна. Олоҥхо саха фольклорун саамай уустук көрүҥэ буоларынан кыттааччы ахсаана хайа да сыллардааҕар аҕыйах буолла. Ол курдук: 1 кылаастар бөлөхтөрүгэр — 16 ыал-43 кыттааччы
2 кылаастар бөлөхтөрүгэр -10 ыал 23 кыттааччы
3 кылаастар бөлөхтөрүгэр — 7 ыал 19 кыттааччы
4 кылаастар бөлөхтөрүгэр- 12 ыал 29 кыттааччы
Барыта 45 ыалынан 114 киһи кытынна.
Кыттыыны Амма,Анаабыр, Булуҥ, Кэбээйи, Ньурба, Өлөөн, Өймөкөөн, Сунтаар, Томпо, Уус Алдан, Чурапчы улуустарыттан уонна Дьокуускай куораттан кытыннылар.
Күрэх түмүгүнэн
1 кылаастарга Босиков Байдам (Өймөкөөн, Төрүт),
2 кылаастарга Гуляева Клава ( Уус Алдан, Уьун Куел, салайааччы Иванова Сахаяна Ивановна
Олесов Марк (Уус Алдан, Кэптэни, Лугинова Зинаида Петровна)
4 кылаастарга Олесов Дамир (Уус Алдан, Кэптэни, салайааччы Лугинова Зинаида Петровна)
ЧЫПЧААЛ КЫАЙЫЫЛААХ үрдүк аатын ыллылар.
Сахабыт тылын чыпчаал айымньытын олоҥхону детсад оҕолоруттан саҕалаан улахан оҕолорго тиийэ сайыннарар, үөрэтэр салайааччы Уус-Алдан Сыырдааҕын олохтооҕо Лугинова Зинаида Петровна икки ЧЫПЧААЛ КЫАЙЫЫЛААХ дьиэ кэргэнин бэлэмнээн, 4 бөлөххө барытыгар дьиэ кэргэни кытыннаран БАСТЫҤ УҺУЙААЧЧЫ анал ааты сүктэ.
Төрөөбүт сахабыт тылын өрө тутан сайыннара сылдьар учууталларбытыгар, салайааччыларга, сахатынан киэн туттан оҕолорун сахалыы иитэр истиҥ ийэлэргэ, амарах аҕаларга,
эйэҕэс эбэлэргэ, эһэлэргэ, көхтөөх эдьиийдэргэ, убайдарга, кырачаан балыстарга, бырааттарга күрэхпитигэр үрдүк таһымнаахтык кыттыбыккытыгар барҕа махтал!
